Вицепремиерот за евроинтеграции Бојан Маричиќ како одговор на новинарско прашање денеска рече дека на државните инстуции во Макеоднија и Бугарија ќе им треба две години координација за да ги имплементираат препораките на бугарско-македонскиот историски мешовит комитет.
Заедничката историска комисија во понеделникот преку Министерството за надворешни работи објави заедничка декларација за чествување на средновековните ликови Цар Самуил, свети Кирил и Методиј, свети Климент и свети Наум, како и корекции од средновековниот период во бугарските македонските учебници од основно училиште.
„Има многу процедури кои што ќе треба да се направат, но нас ни е важно резултатите да се преточат во општеството без да се загуби нашиот интерес“, рече Маричиќ.
Вицепремиерот додаде дека очекува и Софија да го имплементира договореното во наредниот период.
„Вредно е ако седум врвни историчари кои сме ги поставиле, се согласиле со тој текст, така што ако тоа отвори задничко видување, тоа треба да се цени и да се почитува. Им веруваме на луѓето кои работат таму. Се што ќе направиме ние, очекуваме тоа да го направи и Софија“, искоментира Маричиќ.
Тој дополни дека членовите на комисијата за одредени специфични периоди може да побараат консултации и со други надворешни стручњаци кои не членуваат во комитетот.
„Станува збор за реномирани стручњаци кои работат и во странски универзитети и на кои никој досега не им ја оспорил стручноста. Работат и во Институтиот за национална историја и со години работат во други образовни институции. Секако дека може да дадат покани за експертиза и до други стручњаци“, изјави вицепремиерот.