„Нашата земја е соочена со големи предизвиции и се наоѓа во пресудни моменти во кои се одредува нашата иднина.
Северна Македонија има потреба од единство, сплотеност, заедништво, лидерство.
Тоа го очекуваат нашите граѓани, тоа и треба на нашата држава, и ние сме спремни тоа да го направиме.
Како државотворна партија и одговорни лидери и предводници на сите основачки одлуки за независна, еднаква и евроатланска Македонија во последните три децении, сметам дека е дојдено време да ги повикам сите општествени чинители, граѓаните, медиумите, невладините организации, академската заедница и политичките партии, посебно парламентарните, да се исправат пред предизвикот на пресудните моменти за заокружување на нашата државност преку полноправно зачленување во Европската Унија.
Дојдено е време за заедништво, време е за храброст и лидерство, и ние сме подготвени да подадеме рака, надминувајќи се себеси и теснопартиските интереси.
Затоа, првенствено ги повикувам Коалиционите партнери со кои ги донесовме тешките и пресудни одлуки за независност, еднаквост, и северноатланска Македонија, како и опозоцијата, да се обединиме околу стремежот за Европска Македонија.
Јас сум убеден и подготвен. Сите ние сме. “ , истакна премиерот, Ковачевски од собраниската говорница.