Претседателот на СДСМ, Димитар Ковачевски, вечерва во Ростуше прогласи уште една, двојна победа на вонредените локални избори честитајќи му на кандидатот на СДСМ, Медат Куртовски за изборот за градоначалник.
„Маврово и Ростуше масовно и достоинствено гласаше за Медат Куртовски и европската коалиција предводена од СДСМ.
3.238 гласови наспроти 1.900 гласови се потврдата дека Медат одлично си ја врши својата работа последниве 4 и со уште поголем елан продолжува да ја води општината и во следните 4 години, во интерес на граѓаните.
Ви благодарам за поддршката и за укажаната доверба и ви честитам и вам и на Медат за изборот за градоначалник.” рече Ковачевски.
Претседателот на СДСМ додаде дека ова е прва изборна победа откако е претседател на СДСМ и откако ја предводи владејачката, европска коалиција.
„Драги сограѓани, денеска покажавте дека во тешки времиња знаете да препознаете вистински политики и знаете да препознаете кој работи за граѓаните. Не само во Маврово и Ростуше, туку и во Центар Жупа победи европскиот концепт на владината коалицијата! Денеска имавме избори во две општини и во двете победија кандидати на нашата коалиција. Ова е прва победа откако јас ја предводам оваа европска коалиција, и значајна е затоа што покажува и ги потврда исправните, вистински политики. Почитувани граѓани, испратена е јасна, гласна и силна порака: Европска Македонија е единствениот апсулутен победник на овие избори денеска.„ рече претседателот на СДСМ, Димитар Ковачевски во вечерашното обраќање.
Во продолжение интегрален текст од обраќањето на претседателот Димитар Ковачевски.
„ Добровечер драги мои сограѓани, почитувани жители на Маврово и Ростуше,
Нека ни е честита победата на Медат Куртовски!
Денес е голем ден, вие застанавте и одлучно кажавте дека сакате Маврово и Ростуше да продолжи напред.
Сакам да им се заблагодарам на сите граѓани кои денеска излегоа и го дадоа својот глас и придонесоа за овој изборен ден да помине демократски и достоинствено.
Имавме фер, слободни и демократски избори.
Маврово и Ростуше масовно и достоинствено гласаше за Медат Куртовски и европската коалиција предводена од СДСМ.
3.238 гласови наспроти 1.900 гласови се потврдата дека Медат одлично си ја врши својата работа последниве 4 и со уште поголем елан продолжува да ја води општината и во следните 4 години, во интерес на граѓаните.
Ви благодарам за поддршката и за укажаната доверба и ви честитам и вам и на Медат за изборот за градоначалник.
Ве уверувам дека so посветена работа Медат ќе продолжи за вас, за цело Маврово и Ростуше ќе продолжи и ветените проекти од програмата.
На противкандидатот од ВМРО-ДПМНЕ исто така сакам да му се заблагодарам. Имаме сега избран градоначалник, сега е време сите заедно да придонесеме за развојот на Маврово и Ростуше.
Медат, Ти честитам на денешната победа. Нека ти биде поттик да работиш уште повеќе и попосветено за напредокот на општината.
Драги сограѓани,
Денеска покажавте дека во тешки времиња знаете да препознаете вистински политики и знаете да препознаете кој работи за граѓаните.
Победата на Медат е победа на концептот кој создава напредно и развиено општество, европски вредности и европска иднина за целата држава.
Не само во Маврово и Ростуше, туку и во Центар Жупа победи европскиот концепт на владината коалицијата!
Денеска имавме избори во две општини и во двете победија кандидати на нашата коалиција.
Ова е прва победа откако јас ја предводам оваа европска коалиција, и значајна е затоа што покажува и ги потврда исправните, вистински политики.
Почитувани граѓани, испратена е јасна, гласна и силна порака: Европска Македонија е единствениот апсулутен победник на овие избори денеска.”