Премиерот Димитар Ковачевски вечерва од Крушево порача дека секоја борба вреди ако има крајна цел.
За револуционерите, вели дека ставиле пред себе голема идеја. Вели дека на илинденските идеи, денес ја градат Македонија. Ковачевски кажа дека продолжуваат по патот кон ЕУ.
„Оттука има само напред. Не постои сила што може да застане на патот на европскиот напредок на нашата држава“, рече премиерот.
Ковечевски рече дека не им доликува да се откажуваат од битки. Вели дека ако некој кочи прогресивни идеи, тогаш неговите интереси не се во интерес на државата.
„Имаме обврска да јуришаме кон европската иднина“, изјави Ковачевски.
Вели дека сега водиме битка за сегашноста и иднината. Граѓаните ги повика да покажат патриотизам на дело.
Отворена е традиционалната манифестација „Десет дена Крушевска Република“, која од 1 до 10 август се одржува секоја година во Крушево по повод големиот национален празник – Илинден.
