Бразилскиот фудбалер Касемиро пред неколку дена и официјално беше претставен како ново засилување на Манчестер Јунајтед.
Касемиро ја изненади фудбалската јавност кога ова лето одлучи да го напушти Реал каде што играше одличен фудбал неколку години наназад и беше стандарден во стартниот тим. Меѓутоа овој 30-годишник се одлучи дека е време за нов предизвик во кариерата.
Кариерата ја продолжи во Манчестер Јунајтед и на „Олд Трафорд“ имаат големи очекувања од него. Во понеделникот Касемиро беше претставен пред дербито со Ливерпул, а овој натпревар го проследи од трибините.
Сега Касемиро го даде и првото интервју од доаѓањето во Манчестер Јунајтед и тоа за официјалната клупска страница. Но, мораше да им се извини на навивачите затоа што тоа не е на англиски јазик.
„Мојата сопруга зборува англиски, јас не и се извинувам на сите навивачи на Манчестер Јунајтед поради тоа. Сепак, веќе земав часови и сакам што побрзо да го совладам. Сакам да учам за англиската култура и првата цел ми е да го научам јазикот за без проблеми да комуницирам со тренерот и соиграчите“.
„На тој начин сакам да покажам дека сум максимално фокусиран на клубот и дека ја почитувам традицијата и културата тука. Ветувам дека следното интервју ќе биде на англиски. Уште еднаш им се извинувам на навивачите, што ова ќе го направиме на шпански јазик“, изјави Касемиро.
Stop scrolling ✋
Watch this 👇@Casemiro‘s first United interview has dropped and it’s not to be missed! 🔴🇧🇷#MUFC— Manchester United (@ManUtd) August 25, 2022