После вчерашните плеј-оф натпревари денес беше одржан ждребот за групната фаза во Лигата на шампионите.
Секако внимание привлекува групата Ц каде што се најдоа Баерн и Барселона, а ова ќе значи и средба на Левандовски со својот поранешен клуб уште во првата сезона во Барселона.
Против својот поранешен клуб ќе игра и Анхел Ди Марија кој летово си замина од ПСЖ и сега во Париз ќе гостува со Јувентус. Во оваа група е и уште еден поранешен клуб на Ди Марија, Бенфика. Тешка група доби и Милан во повратничката сезона во ЛШ, „росонерите“ ќе играат во група со Челзи, Салзбург и Динамо на Адеми и Ристовски.
И Интер како Јувентус и Милан доби супер тешка група, „нероаѕурите“ за противници ќе ги имаат Баерн, Барселона и Викторија Плзен.
Интересно ќе биде и враќањето на Ерлинг Халанд со Манчестер Сити во натпреварот против Борусија Дортмунд. Со Сити и Борусија во група се уште Севиља и Копенхаген.
Елиф Елмас со Наполи ќе игра во група со Ајакс, Ливерпул и Ренџерс.
ГРУПА А: Ајакс, Ливерпул, Наполи, Ренџерс
ГРУПА Б: Порто, Атлетико Мадрид, Леверкузен, Клуб Бриж
ГРУПА Ц: Баерн Минхен, Барселона, Интер, Викторија Плзен
ГРУПА Д: Ајнтрахт, Тотенхем, Спортинг, Марсеј
ГРУПА Е; Милан, Челзи, Салзбург, Динамо Загреб
ГРУПА Ф: Реал Мадрид, Лајпциг, Шахтјор, Селтик
ГРУПА Г: Манчестер Сити, Севиља, Борусија Дортмунд, Копенхаген
ГРУПА Х: Пари Сен Жермен, Јувентус, Бенфика, Макаби Хаифа
Групната фаза поради Светското првенство во Катар треба да заврши за помалку од два месеци, па така првото коло коло е закажано за 6/7 септември, а последното 1/2 ноември.