Интензитетот на сообраќај на патните правци надвор од градските средини е зголемен. Според камерите на граничните премини, забележани се големи колони и гужви на „Табановце“ за влез во државата.
Според АМСМ, на ГП „Табановце“ за влез се чека околу еден час, додека на другите, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.