Првиот потпретседател на Владата и министер за политички систем и односи меѓу заедниците, Артан Груби, денес заедно со претседателот на Демократската унија за интеграција, Али Ахмети, министри, државни секретари, пратеници, бизнисмени и граѓани на општина Боговина во просториите на компанијата „Агро Река“ присуствуваа на презентацијата на ИПАРД III програмата за финансиска поддршка во дејноста на земјоделството за периодот 2022 – 2027 година.
„Одржувањето на финансиското партнерство со Европската Унија и обезбедувањето меѓународни фондови се континуиран приоритет во работата на Владата и клучни за економската благосостојба и квалитетниот развој на нашата земја“, истакна Груби.