Георгина Родригез често е тема на јавноста и на социјалните мрежи поради нејзиното провокативно облекување. Доволно ѝ е да направи едно селфи, а големите фанатици почнуваат да ги бројат трошоците за накитот што го ставила.
Медиумите дури пишуваа и за мајката на Кристијано Роналдо, за која се шпекулира дека е главниот виновник зошто славниот фудбалер се уште не се оженил со Георгина Родригез.
Благодарение на стилот и начинот на облекување, но и тоа што е девојка на фудбалерот Кристијано Роналдо, Георгина често е во центарот на вниманието.
Таа со објавување фотографии на својот Инстаграм профил покажа облека чија вредност достигнува вртоглави два милиони евра, најмногу благодарение на модните додатоци кои ги носеше.
Таа прошета по улиците на Манчестер во син фустан од Стела Макартни вреден 1.900 евра, кој ја истакна нејзината фигура.
На нозете носела LeSilla потпетици од 765 евра, додека чантата Hermes која ја држела во рака чини 94.000 евра.
Модните додатоци кои ги носеше, два прстени и многу скап часовник, значително ја зголемија цената на целиот аутфит.
Првиот е прстен со дијаманти и сафири кој чини 800.000 евра, а вториот е Cartier вреден 700.000 евра.
Згора на сето тоа, Џорџина ставила и часовник Rolex чија цена е 550.000 евра, изработен од 18-каратно бело злато и украсен со дијаманти.