Музичко-брачната двојка Бијонсе и Џеј Зи и нивните деца оваа година решиле да летуваат во Цавтат во Хрватска, а како што пренесуваат хрватските медиуми, биле забележани на луксузна јахта во Хрватска, прво музичарот, а потоа и неговата сопруга.
Се чини дека со нив е и нивниот телохранител Јулиус Герхард де Бур, кој исто така во претходниот период се дружеше со познатата двојка, а кој е одговорен за скандалот што се случи во Хрватска во 2009 година.
Имено, Бијонсе и Џеј Зи престојуваа во Хрватска во 2009 и 2011 година, додека го чекаа раѓањето на нивното прво дете, ќерката Блу Ајви Картер, а летото 2009 година овој телохранител ги нападна фоторепортерите и ТВ-снимателите од Дубровник.
Тогаш со рака ја „удри“ камерата на еден снимател. Апаратот падна на земја и беше скршен рефлекторот за осветлување. Инцидентот продолжи, па Џулиус го удри камерманот три пати – со ногата над задникот. На крајот ја фрлил стативата на камерманот во морето, а Џеј Зи се насмевна и му рече да го фрли и снимателот на истиот начин.
На излегување Бур на лош хрватска јазик ги опцу насобраните.
Сè се случи околу еден час и 30 минути откако Бијонсе и Џеј Зи го напуштиле ресторанот каде што вечерале. Телохранителот на пејачката Бијонсе и нејзиниот сопруг Џеј Зи беше казнет во Дубровник поради физички напад на снимател на локална телевизија, напиша „Јутарњи лист“.
„Инцидентот се случи ноќта меѓу вторникот и средата во старото градско пристаниште во Дубровник, кога 31-годишниот холандски државјанин Јулиус Герхард де Бур физички го нападнал снимателот Драган Бановиќ, сопственик на локална ТВ-станица. Судијата на Судот за прекршоци во Дубровник го казни Де Бур со 68 евра поради „грубо нарушување на јавниот ред и мир“, пренесе Бета.