Енергетската помош за школите и болниците регулирана со Владина уредба

Со Владина уредба вчера се регулираше енергетската помош за здравствените и за образовните институции. Предлогот на Министерството за економија нема да биде испратен во Собранието и нема да чека на гласање од пратениците.

На вчерашната седница Владата ја измени Уредбата за критериумите и условите за прогласување кризна состојба. Со неа се отвора можност за „непречено и сигурно снабдување со електрична енергија на потрошувачите кои вршат дејност од јавен интерес заради заштита на животниот стандард, од страна на универзалниот снабдувач“.

Вака се реализира најавата на премиерот Ковачевски за префрлање на основните и средните училишта на регулираниот пазар, како и снабдување на здравствените установи со струја од ЕСМ. Дополнително, треба да се утврди листа на дејностите од јавен интерес што ќе бидат опфатени, односно дали тоа ќе се однесува и на јавните претпријатија или – на кои конкретно.

Ваква уредба е овозможена по прогласувањето Кризна состојба, објаснуваат владини претставници. Истовремено, ВМРО ДПМНЕ реагира што во Собранието не се стигнати законски измени иако Владата ги назначи како итни, а се тактизира со нивниот предлог кој има слична содржина.

Милошоски вели дека ВМРО ДПМНЕ нема да го поддржи Законот за задолжување кај ЕБОР со 100 милиони евра за помош на ЕСМ. Се сомневаат дека тие средства ќе бидат злоупотребени и недомаќински трошени.

Ова е еден од законите за чие одблокирање апелира власта. На списокот се и законите за енергетика, за енергетска ефикасност, за поставување фотоволтаици, за нафта и нафтени деривати и други, битни за справување со енергетската криза.

Вчера, лидерите на двете најголеми партии, Ковачевски и Мицкоски, сепак направија обид за подигање на националните интереси над партиските. Лидерската средба беше посветена единствено на подобро справување со енергетската криза.

ПОСЛЕДНИ

Меси испратен со свирежи, тој имаше одговор за фановите🎥

Што ќе се случува во последното коло во Серија А, Ла Лига и Лига 1 ↓↓↓https://www.youtube.com/watch?v=QLKC01XSZ7IЛионел Меси синоќа го одигра својот последен натпревар...

Османи објави план од 9 чекори за нормализација на ситуацијата во Косово

Претседавачот со ОБСЕ, министерот Бујар Османи, објави план во девет чекори за деескалација и нормализација на тензиите на северот на Косово. Планот, како што се...

Во експлозија кај Днепар 20 повредени, меѓу кои пет деца

Руска ракета погоди двокатна станбена зграда во близина на Днепар, при што се повредени најмалку 20 лица, меѓу кои пет деца, соопшти синоќа шефот...

Попладне пороен дожд и грмежи

Времето денеска претпладне ќе биде сончево со мала до умерена облачност. Oд пoпладневните часови на повеќе места ќе биде нестабилно со пороен дожд, грмежи и...