Димитар Апасиев, како коалиционен партнер на Мицкоски и ВМРО ДПМНЕ, но и на Алијанса и Беса во коалицијата „61“, денеска ја обелодени проруската стратегија за заедничките протести како опозиција, за спречување на членството на Северна Македонија во Европската Унија. Барајќи други алтернативи за промена на стратешкиот курс на земјата и заробување на патот кон европската интеграција.
Демократската унија за интеграција од петти ноември минатата година ја осуди руската дестабилизирачка агенда зад коалицијата „ново мнозинство 61“, а истото денес се потврдува.
Опозицијата треба да се изјасни кои се новите алтернативи што им се нудат на граѓаните.
Дали ги споделуваат своите ставови со коалициониот партнер, Левица за евро-азиското партнерство?
Демократската унија за интеграција апелира и ги повикува сите политички чинители во земјата да се оградат од овие скандалозни ставови и насилни антиевропски протести поттикнати од проруски елементи во земјата.
Прогресивните сили ќе го финализираат најголемиот проект на Северна Македонија, интеграција во Европската Унија, како единствена алтернатива за земјата.
Демократската унија за интеграција повторно нагласува дека овие насилни протести насочени против иднината на граѓаните откриваат кој е за, а кој против Европската Унија, затоа апелираме граѓаните да се оградат од нив.