„Domino Line“ им ветил бесплатен билет на патниците по вчерашната заплена на злато во нивни автобус (ФОТО)

На 07.07.2022 г. (недела) околу 9.30 часот наутро на граничниот премин Табановце, автобус на компанијата „Domino Line“ беше запрен од граничната полиција при превоз на патници од Пореч (Р. Хрватска) до Гостивар. Од надлежните беше побарано автобусот да помине на скенер 2 пати при што беше пронајдена нелегална стока – злато во вредност од околу 600.000 евра, а двајцата возачи и автобусот беа задржани од надлежните на граничниот премин Табановце, информираат патниците кои биле во самиот автобус.

Патниците, околу 50-тина, меѓу кои и мајки и деца, според нивни тврдења, се оставени околу 5 часа на асфалт и на сонце на граничниот премин чекајќи Domino Line да преземе одговорност и да ги транспортира до потребните дестинации во државата.

По неколку јавувања во компанијата од повеќе патници барајќи да ни испратат друг автобус, околу 5 часа подоцна се појави претставник од компанијата, а за кратко време и возач возејќи автобус на Руле Турс со којшто конечно се одважија и не донесоа до крајните дестинации. Од претставникот на компанијата добивме вербално извинување и како што посочија – сé што можат да направат за да ги надоместат непријатностите е да ни дадат бесплатни карти следниот пат кога ќе сакаме да патуваме со Domino Line. Се прашуваме, кој здраворазумен човек по вакво филмско искуство повторно би се превезувал со истата компанија?!? Односот на компанијата Domino Line во оваа ситуација беше крајно несериозен, како и за ризикот на кој ги изложуваат патниците со вакво криумчарење на нелегални стоки, а кои уредно си платиле карти со цел безбедно да стигнат до посакуваната дестинација. Па така, немаше никаков обид од нивна страна да стапат во контакт со било кој од патниците (иако ги имаат сите телефонски броеви од истите) за да прашаат во каква состојба сме и што ни е потребно, туку оставија сами да телефонираме и да се објаснуваме со нивни службеници кои еднаш рекоа дека не се запознаени со случајот, друг пат дека се обични службеници и немаат никакви ингеренции, па дека испратиле автобус по нас, но не знаат кога ќе стигне итн“, велат тие.

Според патниците, ова е сериозно кривично дело од страна на вработени во компанијата и ќе ја бараат секоја правна помош за обештетување за крајно непријатната ситуација.

„Исто така, сакаме да испратиме апел до сите превозници, а и до надлежните, особено во овие високо-фреквентни периоди, да вршат почести контроли и секое вакво однесување од страна на компанија којашто треба да ја гарантира безбедноста на патниците да биде најстрого санкционирана, патниците соодветно обештетени, со надеж дека вакво нешто нема никогаш да се повтори“, истакнуваат дел од патниците.

ПОСЛЕДНИ

Меси испратен со свирежи, тој имаше одговор за фановите🎥

Што ќе се случува во последното коло во Серија А, Ла Лига и Лига 1 ↓↓↓https://www.youtube.com/watch?v=QLKC01XSZ7IЛионел Меси синоќа го одигра својот последен натпревар...

Османи објави план од 9 чекори за нормализација на ситуацијата во Косово

Претседавачот со ОБСЕ, министерот Бујар Османи, објави план во девет чекори за деескалација и нормализација на тензиите на северот на Косово. Планот, како што се...

Во експлозија кај Днепар 20 повредени, меѓу кои пет деца

Руска ракета погоди двокатна станбена зграда во близина на Днепар, при што се повредени најмалку 20 лица, меѓу кои пет деца, соопшти синоќа шефот...

Попладне пороен дожд и грмежи

Времето денеска претпладне ќе биде сончево со мала до умерена облачност. Oд пoпладневните часови на повеќе места ќе биде нестабилно со пороен дожд, грмежи и...