Рома денес на специјална пресконференција го претстави новото засилување, Пауло Дибала.
Дибала доаѓа во Рим како слободен агент откако му заврши договорот со Јувентус и предизвика еуфорија кај фановите на „волчицата“.
„Откако ми заврши договорот со Јувентус разговарав со многу клубови. Новинарите пишуваа дека ќе одам во Интер поради мојот добар однос со Марота. Но откако директорот на Рома дојде во Торино и разговаравме, веднаш ја прифатив понудата и среќен сум што доаѓам во овој клуб“, изјави Дибала.
„Моето прво прашање за Мурињо беше: Што можеме да освоиме? Јас сакам да победувам и да освојувам трофеи. Во Рома има некои одлични темели кои се поставија минатата сезона. Веруваме дека ќе имаме успешна сезона“, додаде Дибала.
LIVE | La conferenza stampa di presentazione di Paulo Dybala https://t.co/NuNeqxk6n4
— AS Roma (@OfficialASRoma) July 26, 2022