Bugatti сериозно се впушти во продажба на производи кои немаат врска со автомобили. Покрај тоа што минатата година започна ограничена серија од 30 луксузни маси за билјард, Bugatti има и своја линија шампањ.
Шампањот го произведуваат во соработка со францускиот производител Champagne Carbon, а се нудат неколку „модели“ по доста поволни цени. Во 2019 година, по повод 110 години Bugatti, беше претставен шампањ наречен Bugatti EB.01 Edition, а создаден е EB.02 Chiron 300+ по повод претставувањето на најбрзиот Bugatti на сите времиња. Има и малку поскромно Bugatti Carbon Cuvée Luminous.
Сега линијата на производи е споена со EB.03 Bolide. На шишето шампањ, кое е посветено на моделот Болида, има дизајнерски елементи на автомобилот, неговото име и силуети на неговите светла во форма на буквата X, пишува „Јутарњи.хр“.
Содржината на шишето нема многу врска со Bugatti. Внатре е шампањ Blanc de Blancs од 2013 година. Шампањот од годината кога бербата резултираше со многу квалитетно грозје се опишува како интензивно и свежо со добра киселост и голем потенцијал за добро стареење. Доминантни ароми се цитрусните и пролетните цветови.
Едно шише од новиот шампањ Bugatti чини околу 350 евра, што го прави EB.03 Bolide најскапиот шампањ на Bugatti.
The post Бугати произведува и алкохол appeared first on Локално.