Раководството на Барселона се обидува да ги убеди ветераните Жерар Пике и Серхио Бускетс да се согласат на уште едно намалување на платите.
Првите луѓе на Барселона имале средба со Пике и побарале отстапки од него, за да бидат регистрирани новите засилувања во тимот, за да не се надмине дозволениот дел од трошоците за плати, според правилата утврдени од Ла Лига.
Иста таква средба Лапорта и директорите имале и со Серхио Бускетс и неговиот агент, и од него побарале да прифати намалување на платата.
Барселона е во голем проблем бидејќи мора да се ослободи од неколку фудбалери и да ги намали трошоците за плати, за да може да ги регистрира новите засилувања.
Пике и Бускет се меѓу најплатените фудбалери во тимот и еднаш прифатија намалување на платите, а сега тешко дека ќе прифатат дополнително намалување, откако клубот потроши многу пари на засилувања.
