Првиот вицепремиер и министер за политички систем и односи меѓу заедниците, а воедно и шеф на кабинет на првиот човек на ДУИ, Артан Груби, преку објава на социјалните мрежи најави дека лидерот на интегративците ќе започне средби со партиските структури од 14 јануари согласно одлуката на Генералниот совет.
„Претседателот Али Ахмети придружуван од сопартијците ќе започне средби со локалните партиски структури во ограноците на Демократската унија за интеграција и со граѓаните во соодветните општини. Првата средба ќе се одржи во сабота во гостиварско Чегране, со почеток во 19:00 часот во ресторанот “Сити”. Видете се и разговарајте“, напиша Груби. Претходно со слично известување излезе и ДУИ.